(LIVE INTERVIEW ON BREKETE FAMILY SHOW)
Below is the handwritten format of the interview.
RUTH MATTHEW LIVE INTERVIEW ON BREKETE FAMILY SHOW ON THE 20TH OF DECEMBER 2021
Wetin be your mama name?
You come from which State?
Benin City, Edo State
Wetin Happen, Why you come Brekete Family Show?
I go Mercy City Church For Warri, Delta State With My Four Children
Wetin carry you go the church?
The thing wen carry me go the church be say, I be business woman, I de sell bags of rice, but I con find out say my money de disappear, I nor de fit de account for the money after I do business finish, so my senior son of 13 Years con suggest to me say make we go Mercy City, since we de always gde watch Mercy Tv and I de pay my tithe to Dem and I also de see many things wen de man of God de do. So we all com decide to go Mercy City with my four children, all boys, the last born na 2 years as at that time
So wen we reach wen we reach there, we de for line, we con de here say Dem d pay money to see the man of God, so wen e reach my turn Dem con say make i pay money
How much Dem demand?
N18,000 na I pray for prayer line
Then I pay N3500 for tag wen we go wear for night
Then N4000 for T-Shirt to go mountain
Na my question be this, how cripple woman wan take climb go mountain? Abi the mountain nor de heal or na ground mountain?
After I pay finish, one week enter two weeks, so the man of God con finally reach where I de the 2nd week, so wen the man of God reach were I de him con tell me congratulations, e come ask we say abi na me get all this four children, I say yes, nai e say e not possible, so I tell am say na God nai give me, e con ask me say even this small one I say yes, na him say this small one go be Prophet if e don big, say people go pay money to see am, because the pikin go be strong prophet. So the Pastor con ask me wetin carry me come, so I explain to am. So e con tell youth chairman to write down my name, so around 6pm that my last born of two years, I nor con see am around me again, so I con de shout de cry, even one female security wen her name na Juliet, I con hold her because I see her de play With my pikin, so as I de shout, Prophet Jeremiah come in con say make him security throw me out, Dem con lie say I send the pikin go buy indomie outside ,
so I con confuse, I nor know wetin to do, so con enter Keke, tell the Keke man make him carry me go any police station around, so wen I reach station I meet the DPO so explain wetin happen to me. So the DPO con call Jeremiah for phone tell am say man of God you are very stupid o, we need to arrest you, even if you de collect people pikin na this cripple woman pikin you go collect again, so the DPO con de shout for me say why I go carry my children come Jeremiah church, e say this kind case many people don report am tire, but them nor de see the children o. So I con de cry say my pikin nor go fit loss like that because na through operation I take born all the children. So the next day, Prophet Jeremiah con go bail the security, wen I reach station nai DPO change the matter for me say me na suspect for the missing child, so I con know that time say Dem don give DPO money. Na so the matter be.”